О великий угодниче Христов, святый праведный отче Иоанне Кронштадтский, пастырю дивный, скорый помощнице и милостивый предстателю! Возноси славословие триединому Богу ты, молитвенно взывая: «Имя тебе Любовь: не отвергни мене заблуждающагося. Имя Тебе Сила: укрепи мене, изнемогающаго и падающаго. Имя Тебе Свет: просвети душу мою, омраченную житейскими страстями. Имя Тебе Мир: умири мятущуюся душу мою. Имя Тебе Милость: не преставай миловать мене».
Ныне благодарная твоему предстательству всероссийская паства молится тебе: Христоименитый и праведный угодниче Божий! Любовию твоею озари нас, грешных и немощных, сподоби нас принести достойныя плоды покаяния и неосужденно причащатися святых Христовых таинств; силою твоею веру в нас укрепи, в молитве поддержи, недуги и болезни исцели, от напастей, врагов видимых и невидимых избави; светом лика твоего служителей и предстоятелей алтаря Христова на святыя подвиги пастырскаго делания подвигни, младенцам воспитание даруй, юность настави, старость поддержи, святыни храмов и святые обители озари; умери, чудотворче и провидче преизряднейший, народы страны нашей, благодатию и даром Святаго Духа избави от междуусобныя брани; расточенныя собери, прельщенныя обрати и совокупи святей соборней и апостольскей Церкви; милостиею твоею супружества в мире и единомыслии соблюди, монашествующим в делах благих преуспеяние и благословение даруй, малодушныя утеши, страждущих от духов нечистых освободи, в нуждах и обстояниях сущих помилуй, и всех нас на путь спасения настави: Во Христе живой, отче наш Иоанне, приведи нас к невечернему свету жизни вечныя, да сподобимся с тобою вечнаго блаженства, хваляще и превозносяще Бога во веки веков. Аминь.